2 suspek sa Degamo slay, sinabing si ‘Cong. Teves’ ang utak sa krimen

Isang ‘Congressman Teves’ umano ang nag-utos para ipapatay si Governor Roel Degamo, batay sa pahayag ng dalawa sa mga naarestong suspek.

Sinabihan din umano sila na dr*g lord ang kanilang target at matagal nang nakaplano ang pag-atake.

Ito ang pangalan ng mastermind na itinuturo ng dalawang suspek sa pagpaslang kay Negros Oriental governor Roel Degamo. Hindi nabanggit ang kumpletong pangalan at kung sinong Teves ang kanilang tinutukoy.

Ayon naman kay Justice Sec. Boying Remulla, kapag nabasa na niya ang pahayag ng mga suspek na isinasangkot ang isang "Teves" ay gagawin nila itong basehan sa pagsasampa ng anumang kaso.

Una nang iginiit ni 3rd District Negros Oriental Rep. Arnie Teves na wala siyang kinalaman sa naturang krimen, pati na ang kapatid niyang si Henry Teves na nakalaban ng gobernador sa nagdaang eleksyon.


Source: Netizen Express