Actual video ng bangis ni Ulysses sa Balesin binahagi sa vlog ni Vice Ganda

Ibinahagi ni Vice Ganda sa kanyang YouTube Channel ang kanyang di malilimutang karanasan sa Balesin, Quezon province sa pananalasa ng Bagyong Ulysses kamakailan sa Luzon.

Lumipad ang grupo ni Vice papunta sa Balesin island, Polilio sa Quezon Province para makapagbakasyon, Martes ng umaga, November 10, 2020.

Kasama niya ang kanyang partner na si Ion Perez maging ang kanyang Personal Assistant. 

Hindi nila sukat akalain na sa mismong lugar na ito ay mararanasan nila ang pagragasa ng malakas na bagyo.

Nakunan pa sa video ng mga kasamahan ni Vice ang lakas ng alon. 

Nakunan din ng video si Vice at iba pa na tumatakbo dahil natakot sa malakas na hangin.

Nakuhanandin din ng video ang pagkawala ng kuryente dahil sa bagyo.   

Sa kabila ng kanilang pinagdaanan, nagpasalamat si Vice na ligtas pa rin sila.

Sa katunayan nakiisa na rin si Vice sa iba pang mga artista na nanawagang matulungan ang mga nabiktima ng unos.

Source: Netizen Express