Patay ang isang miyembro ng PNP-Highway Patrol Group na si Police Chief Master Sgt. Julius Arcalas matapos mauwi sa engkuwentro ang isinagawang checkpoint sa Cavite City nitong Biyernes ng hapon.
Napatay rin ang isa sa mga suspek na si Methusael Cebrian, asawa ng isang Philippine Navy Officer.
Ayon sa report ,nagsasagawa ng anti-carnapping operation si Arcalas at mga kasamahan niya na sina Police Capt. Eduardo Joy Danao Guadamor at PSSg Emerson Domingo nang harangin nila ang isang kulay gray na Nisaan Terra na walang plaka at walang conduction sticker, na lulan ang dalawang lalaki.
Dahil may violation, sinubukan na kunin ni Arcalas ang lisensiya at OR-CR ng mga salarin.
Subalit tumanggi ang mga ito.
Bumaba si ang isa sa lalaki na si Cebrian ng sasakyan tsaka pinagbabaril si Arcalas gamit ang 5.56 Bushmaster, ayon sa pulisya.
Gumanti naman ng putok ang mga pulis at napatay nila si Cebrian habang mabilis na nakatakas ang kasamahang driver nito papunta sa direksiyon ng Noveleta.
Napuruhan sa ulo si Police Chief Master Sgt. Arcalas kaya dead-on-arrival siya sa Cavite Medical Center.
Source: Netizen Express
0 Comments